Сончевата светлина не само што го подига нашето расположение, туку го засилува и имунолошкиот систем. Со ова не сакаме да ве пренесеме жедни преку река во овој зимски период од годината, туку да ве мотивираме да го искористите Сонцето веднаш штом се појави.
Научниците открија дека витаминот Д кој се создава која ја изложуваме кожата на сонце игра клучна улога во активацијата на белите крвни зрнца кои телото го штитат од грип, труење од храна, па дури и рак.
Од порано е познато дека овој витамин е клучен за апсорпцијата на калциумот и здравјето на коските, а некои истражувања покажаа и дека има антиканцерогено дејство, но научниците се досега не знаеа колку клучна улога има во имунолошкиот систем.
Серија на лабораториски тестови покажаа дека витаминот Д служи како „прекинувач“ на белите крвни зрнца кои стануваа убијци кои бараат и уништуваат инфекции. Дел од нив се претвораат во помагачи кои на имунолошкиот систем му помагаат да изгради меморија на инфекцијата, што значи дека ќе се демобилизираат многу бргу при наредната средба со оваа инфекција.
Научникот Карстен Гајслер од Универзитетот во Копенхаген вели: „Ако Т-клетките (белите крвни зрнца) не може да пронајдат доволно витамин Д во крвта, нема да започнат да се мобилизираат“, пренесува Telegraph.
Иако овој витамин се наоѓа и во храната како рибата и јајцата, најголемиот дел во нашето тело доаѓа од изложувањето на Сончева светлина.
Б.И. | Кајгана
