Познато и докажано е дека медитеранската исхрана го намалува ризикот од различни типови на рак, па научниците се обидоа да откријат зошто е тоа така. Одговорот е во маслинката, покажуваат истражувањата.
Истражувањето спроведено на Универзитетот во Барселона во лабораториски услови покажа дека маслиновото масло ја спречува работата на гените кои поттикнуваат развој и раст на ракот на дојката.
Освен тоа, маслиновото масло на некој начин ги “исклучува“ протеините од кои зависи животот на канцерогените клетки. Исто така, го штити и ДНК на здравите клетки од оштетувања кои во најлош случај може да доведат до појава на рак.
Сепак, научниците истакнуваат дека за да ги има овие ефекти, неопходно е маслиновото масло да стане дел од секојдневната исхрана. Шефот на истражувачкиот тим др. Едвард Есрих препорачува дневно да се конзумираат 50 милилитри или десетина лажички квалитетно, ладноцедено маслиново масло.
И.Е. | Кајгана
