Среќна вест за сите оние кои сакаат да си “пивнат“ неколку пати неделно - ќе живеете подолго од “фините апстиненти“. Така барем тврдат британските истражувачи.
Ок, ова не значи дека треба да станете хроничен алкохоличар (не е потребно истражување за да знаеме кои се негативните последици од алкохолизирањето без мерка), туку дека, како во се', и тука умереноста е полезна.
Во студијата објавена од британското национално биро за статистика (ONS) се вели дека луѓето кои умерено конзумираат алкохол живеат подолго од оние кои воопшто не го конзумираат. Овој заклучок е донесен после 10 годишно набљудување на 2.000 луѓе кои биле на возраст од околу 65 години.
Имено, 59% од починатите машки учесници за време на истражувањето, отпаѓале на мажи кои не конзумирале алкохол. Кај женските учеснички во студијата тој процент изнесувал 53%, во споредба со 33% на смртни случаи на жени кои конзумирале алкохол во граници на препорачаната количина (односно, неколку чашки алкохол неделно), пренесува Telegraph.
Воедно, резултатите од студијата уште еднаш го потврдија податокот дека една од најчестите причини за смрт кај луѓето постaри од 65 години се цигарите, пренесува Telegraph.
И.Е. | Кајгана
