Во општество опседнато со здравје, речиси невозможно e да се избегнат текстовите поврзани со здравјето. Од вестите за заканувачки пандемии до симптомите на ужасните болести, здравствените вести често се проследени со страв.
Поминувамe многу време во грижа за различните болести и многу ретко го поставуваме прашањето кое се наоѓа од другата страна: Што значи да се биде здрав? Тоа е прашање на кое одговорите ќе ги најдете во оваа статија. Направете проверка на следните знаци за да знаете дали сте здрав маж.
Бojaта на ноктите
Сигурно не очекувавте ова да биде прво на чек листата, но ноктите сигурно можат да откријат многу за вашето здравје. Карактеристика на здрава индивидуа се розови, цврсти и мазни нокти. Мали варијации се можни но, голема примеси на бела боја значат дека нешто не е во ред што е прва причина алармот да биде уклучен. Дебели жолти нокти кои растат бавно, може да се знак за респираторни болести и хроничниот бронхитис. Засеци на ноктите се знак за шеќерна болест. И покрај тоа што промените во ноктите ретко се првиот симптом за болест, советот е: ако ноктите не се здрави, најдобро е да се посоветувате со вашиот семеен лекар.
Бојата на урината
Дали некогаш сте помислиле дека вашата урина може да биде сигнал за тоа колку сте здрав? Ако не, треба да сфатите дека токму вашата урина може да открие многу нарушања на вашето здравје. Доколку е се во ред вашата урина треба да има светло жолта боја - тоа е важен знак дека вие сте здрав човек. Нормално е урината да се разликува во нијанси на светла и темна жолта боја во зависност од количината на течности која се внесува (во тој случај не станува збор за медицински проблем).
Но, доколку сте дехидрирани таа ќе има темна боја, како леден чај. Покрај овие специфични варијации во бојата на урината треба да бидете подготвени да ги забележите сите поголеми промени. Има сладок и чуден мирис, црвени капки или значителна промена на бојата настанати од храна или лекови? Ова сфатете го сериозно и не го игнорирајте.
Бојата и волуменот на спермата
Здрав средовечен човек треба да ејакулира некаде околу 2-5 мл. сперма. Со стареењето, количината на сперма се намалува, но исфрлање на помалку од 2 мл сперма е знак на Хипоспермија која може да влијае на машката плодност. (количина 2 мл. како просек е утврдена од светската здравствена организација). Покрај волуменот, бојата и густината на спермата исто така даваат индиции за вашето здравје. Без премногу да се навлегува, тоа што е важно е дека здрав човек треба да има бела или сива леплива сперма. Сперма која е обоена со крв е знак за здравствен проблем за кој треба да се разговара со доктор.
Работата на срцето
Чукањето на срцето додека одмарате, или бројот на отчукувања по минута за време на одмор е одличен показател на вашата физичка состојба. Иако бројот на отчукувањата во минута ќе варира согласно со бројот на годините, просечна и разумна бројка е од 70-75. Се што е надвор од оваа бројка треба да е показател за основни и сериозни здравствени проблеми. Затоа, ставете два прста над палецот кај зглобот и најдете го местото каде што го чувстувате пулсот. Броете ги отчукувањата во интервал од 15 секудни и бројката помножете ја со четири за ја добиете бројката на отчукувања на срцето во минута.
Еластичност на кожата
Еласитичноста на кожата се користи за да се процени степенот на дехидрација на организмот. Во случај на дијареа или константно повраќање кога сте изгубиле многу течност, здравата кожа треба за многу кратко време да се врати во нормала. Нееластична кожа исто така треба да биде знак за нарушувања во организмот и посериозни здравствени проблеми.
С.С. | Кајгана
