Лудиот бајкер Боб Медокс успеа да развие 120 км/ч на велосипед со два млазни мотори и го собори сопствениот светски рекорд поставен минатата година.
Боб Медокс се врати на улиците со млазен велосипед кој во целост ја засени машината со која лани собори некои необични брзински рекорди. Лудиот бајкер од Орегон овој пат на обичен стар велосипед вгради млазна турбина со два издуви, му наточи керозин и се пушти по празна улица со брзина од 120 км/ч.
Медокс, кој по занимање е дрводелец, со млазни мотори се забавува во последните осум години. Најновиот негов изум никогаш нема да добие хомологациска дозвола, бидејќи помеѓу останатото произведува бучава од 140 децибели, поради што сите во радиус од 10 километри носеа тампони за уши за да не оглуват.
Интересно е да се спомне дека млазните мотори кои Медокс денес ги вградува во своите велосипеди, своевремено ги движеле V-1 ракетите со голем дострел кои Германците ги користеле во Втората светска војна за да го гаѓаат Лондон.
