Opera го најави излегувањето на својот интернет прелистувач за мобилни уреди (Opera Mini) наменет за iPhone. Демонстрацијата е најавена за светскиот мобилен конгрес во Барселона кој ќе се одржи следната недела.
Според изјавата на Џон вон Течнер од Opera Software, овој интернет прелистувач ќе донесе "брзо и богато" сурфање по популарниот телефон на Apple, особини кои не се карактеристични за вградениот Safari.
Иако ова сигурно ќе ги развесели бројните сопственици на iPhone, се поставува прашањето дали Apple воопшто ќе го дозволи појавувањето на Opera Mini на својот App Store, и дали сето ова ќе заврши само на демонстрацијата на WMC во Барселона?
Од Opera велат дека нивниот Mini 5 broswer, кој моментално се наоѓа во бета фаза, има неколку значителни предности во однос на Apple Safari. Првенствено - тоа е можноста за сурфање во табови, потоа Speed Dial опцијата која ги прикажува најпосетените страници, но и Opera Link опцијата за синхронизирање на обележувачи (bookmarks).
Колку за информација, Џон вон Течнер уште во 2008. година најави дека Opera работи на мобилната верзија на Opera за iPhone, но развојот на проектот беше стопиран поради стрпготе рестрикции на Apple за прифаќање на нови (конкурентски) апликации. Аналитичарите веруваат дека Opera, со оглед на оваа најава, веќе има склучено договор со Apple за дистрибуирање на Opera Mini на нивниот App Store.
М.Л. | Кајгана
