Вчера во хотелот Александар Палас за прв пат во Македонија се одржа „Мicrosoft Форум на Иновативни Наставници“, во организација на Проектот на USAID за основно образование и глобалната програма на Мајкрософт „Партнери во Учeњето“. Овој форум им даде шанса на наставниците од основните и средни училишта од Македонија да ги презентираат своите образовни проекти изработени со помош на иновативна примена на технологијата. Целта е подобрување на образовниот процес и зголемување на неговата ефикасност преку примена на технолошките алатки на едноставен и разбирлив начин за учениците.
На претходно објавениот конкурс земаа учество наставниците од основните и средни училишта во Македонија кои конкурирале со проект во рамките на кој успеале на иноватиен и современ начин да ја инкорпорираат едукативната пракса и вештина на 21 век во средината каде учат и работат учениците.
Доделените награди беа поделени во три категории и тоа:
Иновации во соработката помеѓу наставниците и учениците во и надвор од училиштето –прво место СЕОУ “Гостивар” од Гостивар, име на проектот МакНед , носители на прокетот Аница Петкоска, Маја Смилеска, Дарко Петкоски Гостивар Македонија, Jeroen Clemens, Margo Adriansens ,Douwe Dijksterhuis, Cristian Hartsemaод Алмир, Холандија
Иновации во содржината на проектот: ОУ Кирил и Методиј Тетово, име на проектот Различни јазици, култура, националност не се пречка на добра комуникација, Сатки Исмаили
Креативност и иновативност во употреба на технологијата ООУ “Блаже Конески “, Велес, име на проектот Образовен портал, Проф.Маја Ржарова
Покрај предвидените награди, овозможени од Проектот на USAID за основно образование и Microsoft победниците на овој конкурс ќе бидат поканети да ја претставуваат Република Македонија на Microsoft Европскиот Иновативен Образовен Форум во Берлин, во март 2010 година, каде финансиските трошоци ќе бидат покриени од страна на Microsoft. Победниците од европскиот форум ќе се натпреваруваaт и на светскиот форум.
Во почетокот на 2009 година, Македониjа, Албаниjа и Косово се придружиjа на глобалната програма на Microsoft – „Партнери во учењето“. По повод настанот Г-динот Илијанчо Гаговски, директор на Мicrosoft, Македонија изјави:
„На пазарите во земјите во развој, како што е Македонија, потребен е прецизно насочен пристап во инвестирањето во образованието и учењето како единствена вистинска конкурентна предност во денешната економија базирана на знаење. Посвестеноста и инвестирањето на решенијата на Микрософт во областа на образованието го поддржуваат и олеснуваат овој процес ширум светот“.
