Вонземјани бај Хокинг

16.07.2010 | Наука

Неодамна Стивен Хокинг јавно изјави дека смета дека животот не постои единствено на Земјата, а сега дознаваме и како конкретно ги замислува вонземјаните за кои верува дека е поверојатно да бидат примитивни, отколку високоинтелигентни форми на живот во нашиот дел од галаксијата.

„Во нашиот дел од галаксијата можеби постои некој попримитивен облик на живот, но изгледа дека нема никаква напредна интелигенција“, рекол Хокинг на предавањето на Универзитетот Вашингтон.

„Неуспехот во потрагата по вонземски живот во програмата SETI со која би требало да биде фатен сигналот на друга цивилизација покажува дека ниедна не постои во кругот од неколку стотини светлосни години од Земјата“, рекол Хокинг, а во емисијата на Discovery Channel Into the Universe with Stephen Hawking вели дека вонземската форма на живот можеби не би ни можеле да ја препознаеме како форма на живот затоа што ни е целосно туѓа.

68 годишниот физичар објаснил и колку меѓусебно различни би можеле да бидат вонзeмјаните, од слузави суштества до оние кои се способни со едно трeпнување на окото да преминат од една галаксија до друга. Нивниот изглед, смета Хокинг, би се разликувал во зависност од условите на планетата или ѕвездата на која живеат.

Но и покрај разликите во изгледот, основните биохемиски процеси би требале да им бидат слични со нашите - мораат да собираат енергија и да се движат. Дури и ако нивниот живот не се темели на вода, како што е случајот на Земјата, Хокинг верува дека животот е можен.

Физичарот не верува во извештаите за НЛО-а: „Се чини дека не немаат посетено вонземјани. Не верувам во извештаите за неидентификувани летачки објекти. Зошто се појавуваат само пред очите на чудаците и психички болните?“

На предавањето во Вашингтон ДЦ Стивен Хокинг рекол дека човечкиот вид треба да го прифати истражувањето на вселената за да си осигура долгорочно преживување, а оние кои се противат на вложувањето во таквите истражувања ги споредува со оние кои трансатлантското истражување на Кристофер Колумбо го нарекле фрлање на пари.

И.Е. | Кајгана