Intimate Medicine
Зголемените температури значат се' помалку облека, плажи и забава, но и откривање на деколтето. За да се чувствувате сигурно и задоволно со своите гради ќе ви помогнат советите што следат.
За убава и мазна кожа треба малку да се потрудите
Мозолчиња и остатоци од мртва кожа кои често се гледаат како посветол тен без сјај, дури и на градите не се баш привлечни. За убава кожа на деколтето најдобро ќе се погрижите со комбинација од прскање со ладна вода, пилинг и креми. Наизменичното прскање со топла и ладна вода ја подобрува циркулацијата па поради тоа градите ќе делуваат по цврсто, а по привлечни ќе бидат и вашите брадавици.
Пилингот ќе ви помогне да со грубите зрнца од шеќер или сол ги отстраните мртвите клетки. Може да користите индустриски, односно купен или пилинг направен дома. По третманот со пилинг градите ќе бидат мазни и меки, а добро е после тоа веднаш да ставите и крема и веднаш да се измасирате. Масажата ќе допринесе за убавина и цврстина на градите. Непријател на убавите гради е и прекумерното сонце, па затоа откажете се од претераното посетување на солариум или сончање на плажа. Изгорената кожа и онака ќе делува постаро.
Деколтето може да го зголемите со мали трикови
Во негата на градите може да се вметне и козметиката со чија помош оптички ќе го зголемите деколтето. Во вдлабнатината помеѓу градите ставете малку светкава пудра или крема со светки затоа што одблесокот на светлост ќе создаде изглед на поголеми гради. Ако одите на некоја забава земете пуш-ап градник, но не претерувајте.
Доколку вашите гради се навистина мали, а вам тоа исклучително ви смета не претерувајте со подигање на деколтето, затоа што поради малите гради тоа нема да биде баш успешно. Подобро е да ги нагласите другите атрибути кои исто така ги излудуваат мажите: нагласете ги усните, убавиот грб, долгите нозе или нешто друго. Ако сакате да отидете на естетска операција, добро размислете и одберете ја онаа големина која ќе биде во склад со градбата на вашето тело. Високите и по силно градените девојки може да си дозволат и поголеми гради. Внимавајте на големината за да на крајот не изгледате смешно наместо привлечно.
За цврстина на градите треба да вежбате
Побарајте и некои вежби кои ќе го зацврстат вашиот граден кош. Важно е со вежбањето да го зацврстите целото тело, затоа што во спротивно резултатите нема да бидат задоволителни. Особено е важно правилното држење на телото кое ќе го постигнете со вежбите за здрава карлица затоа што таа е потпора на градите. За вежбање подгответе спортски градник за да вашите гради во текот на вежбањето останат фиксирани. Со тоа ќе избегнете опуштени гради. На жените со поголеми гради за подобар сон им препорачуваме перничиња кои се местат под градите.
Иако рецептот за убави гради е многу едноставен, треба да бидете свесни дека стареењето и бременоста го прават своето, па нормално е со текот на времето градите да ја изгубат еластичноста.
Повеќе на intimatemedicine.com
