На Светскиот мобилен конгрес во Барселона, HTC претстави два паметни телефони базирани на Android, моделите Legend и Desire, како и моделот HD Mini кој е базиран на Windows.
За моделот HTC Desire може да се каже дека е всушност Nexus One на Google, кој го користи Sense интерфејсот на HTC. Имајќи во предвид дека токму HTC го произведува Nexus One, ова воопшто не е чудно. Двата телефони имаат и исти технички спецификации - дисплеј со големина на дијагонала од 3,7 инчи, процесор Snapdragon со работен такт од 1 GHz, Android 2.1. Desire ќе има вграден GPS приемник, а би требало да се најде на пазарот од крајот на март.
Моделот HTC Legend е наследник на Hero, а за исработка на куќиштето е употребен алуминиум. Legend има процесор со работен такт од 600 МHz, вграден GPS приемник, AMOLED дисплеј на допир со големина од 3.2 инчи, а се очекува да се најде на пазарот од април.
За HD Mini може да се каже дека е помала верзија на HD Touch. Телефонот има димензии од 103.8 x 57.7 x 11.7 mm, тежи 110 грама, има камера со резолуција од 5 мегапиксели и дисплеј со големина од 3.2 инчи Уредот работи на Windows Mobile 6.5.3 (малку промашено, ако се знае дека Windows го претстави Phone 7 Series). Техничките спецификации се речиси идентични со моделот Legend, па основната разлика останува во оперативниот систем. HTC Mini се очекува да биде пуштен во продажба од април.
Д.Л.
