Intimate Medicine
Иако да се биде соло значи и поседување на одредени предности, после некое време сингл статусот може негативно да влијае на вашиот живот. Епа момци, кога е крајното време да побарате партнерка?
Како мажите, така и жените за времето за кое се сами развиваат одредени навики кои се се' само не добри и посакувани. Бидејќи поголемиот дел од слободното време го минувате сами, веќе заборавивте како изгледа еден добар состанок и празнините ги полните со разни активности. Мажите во повеќето случаи стануваат мрзеливи и пасивни. Во продолжение, прочитајте кога е крајното време да си побарате девојка со која повторно ќе добиете се, што во периодот на самотијата сте изгубиле.
Ви се чини дека ги одбивате сите жени?
Во разминување ви се насмевнува убава девојка, а вие наместо да се чувствувате добро мислите дека ви се потсмева? Долгиот период на самотија може многу лошо да влијае на вашата самодоверба што резултира со речиси никакви контакти со нови потенцијални партнерки. Освен тоа ниската самодоверба е прилично непривлечна, па затоа крајно време е да го прекинете магичниот круг.
Лоши прехрамбени навики?
Ако вашите ормари се полни со храна која може да ја приготвите за помалку од 10 минути, знајте дека сте на лош пат. Не само што оваа храна не е добра за вашето здравје и ќе ви донесе вишок на килограми туку и воопшто не сте подготвени да приготвите романтична вечера за потенцијалната партнерка. Од таа причина, имајте барем мала залиха на тестенини и ориз како и неколку намирници за да подготвите едноставна вечера за двајца. Постојат многу прирачници за готвење и на интернет и по книги, па читнете нешто и освојте ја со своите кулинарски способности.
Размислувате да си купите мачка?
Секако дека осаменичкиот живот е некогаш осамен, затоа не е необично доколку со набавката на домашно милениче сакате да внесете мала живост во домот. Можеби мачката не е најдобар избор за вас бидејќи може да ви се случи цел ден да поминете на каучот со неа, гледајќи тв.Можеби куче би било подобра варијанта (доколку имате соодветни услови за чување) бидејќи ќе мора да го прошетате и ќе бидете „присилени“ да излезете од дома. Освен тоа, жените некогаш едноставно не можат да одолеат на маж со слатко куче.
Ве болат прстите од џојстикот?
Воошто не е проблем да убиете малку време играјќи забавни игри, но внимавајте да не станете зависни. Освен играњето игрици самците често влегуваат во замката на играње игри на среќа и кладилници. Кога е забавата во прашање, бавењето со некој спорт секако е најдобрата опција која може еден самец да ја практикува. Навиката, како што и самите знаете, е многу тешко да се промени што подоцна може да влијае на развојот на врската, а на почетокот може да одбие некоја потенцијална партнерка. Жените не сакаат да го делат својот маж со играчка конзола или еден куп гласни пријатели кои пред врата го чекаат за партија фудбал.
За совети околу состаноците ја прашувате мама?
Вашата мајка сигурно во својата глава има потенцијални кандидатки за вас. Е, за да го избегнете можниот состанок на слепо со братучетката на фризерката од вашата мајка која има мустаќи (на братучетката мислиме, не на мајка ви), земете ги работите во свои раце. Наместо да се препуштите на судбината, самите напишете ги карактеристиките кои би сакале да ги има вашата партнерка. Таа со воодушевување ќе ги разгледа, и барем ако сте запнале да ви помага, ќе прави нешто корисно во таа насока. А кој знае...можеби баш и ќе ви ја најде жената на вашите соништа.
Повеќе на intimatemedicine.com
