Intimate Medicine
Дали состанокот беше многу лош, па сега не знаете како да го одбиете без да му го скршите срцето? Ви нудиме решение.
Првите состаноци знаат да бидат многу непријатни, неспретни и напнати, особено ако не ги почуствувате оние “искрички“ кои во вас будат желба за уште некоја средба со таа личност. Многу луѓе мислат дека е полесно да бидеш одбиен отколку да одбиваш, но некои со ова воопшто не се согласуваат. Имено, тешко е да се најдат вистинските зборови со кои на личноста ќе и' дадете до знаење дека не сакате да ја продолжите комуникацијата, а да притоа не предизвикате барем малку тага.
Одбивањето на првиот состанок, освен “не/да“, бара и некакво објаснување, односно изговор зошто не сакате повторна средба и зошто не сакате да размените телефонски броеви. Таквото одбивање праќа директен знак дека на состанокот нештата не се одвивале како што треба.
После првиот состанок веќе се будат одредени желби, надежи и очекувања, но одбивањето може многу брзо да ги сруши и уништи. Новинарката Мари Клер Рич Сантос во такви случаи предлага четири начини за одбивање на машкото. Првите два начини се наменети за пријатен маж со кој едноставно не сте дожвеале искрички, а другите два се за будала или премногу упорен маж кој не признава “не“ како одговор.
Мала бела лага
Таквиот начин на одбивање го штити мажот од понижување. Како изговор можете да ја употребите се'уште присутната емоционална поврзаност со бившиот партнер или фактот дека не сте подготвени за нова врска, но ќе го побарате доколу нештатат се променат. Со таквиот начин на одбивање во суштина се жртвувате себе и својата позиција, а него го поштедувате од размислувањето за тоа дека не ве завел.
Сепак, немојте да му давате лажна надеж дека ќе може со вас некогаш да се впушти во сериозна врска, ако тоа не го мислите навистина. Затоа, при одбивањето немојте да давате некои заклучоци или ветувања. Така, тој нема однапред да сонува за врска која никогаш нема да се случи.
“Да останеме пријатели“
Ваквиот начин на одбивање е многу нежен и праќа порака дека мажот е прекрасна личност која не сакате целосно да ја исклучите од својот живот, туку само подобро го гледате во улога на свој пријател, отколку во улога на љубовник.
Од машка позиција желбата за пријателство е секако убав гест, но постои можност да тој сепак се потруди ситуацијата да ја претвори во љубовен однос. Токму затоа морате да внимавате да не му давате лажна надеж при вашите пријателски средби. Исто така избегнувајте да го каните во својот дом, затоа што тој тоа би можел двосмислено да го протолкува.
jlp
“Неподнослив си!“
Оваков начин се препорачува во случај кога си имате работа со будала која се' погрешно направила за време на состанокот. Тоа подразбира дека ве допирал непримерно, зборувал за бившите девојки, бил безобразен итн. Таквото однесување заслужува прекор и со искреноста веројатно ќе учините услуга како нему, така и на сите девојки со кои во иднина ќе оди на состанок.
Во тој случај, немојте да се оптоварувате со неговите чувства, затоа што некој мора да го спушти на земја. После таквото одбивање многу е веројатно дека никогаш повторно нема да ве побара.
Исчезнете како дух
Исклучителните ситуации бараат и исклучителни мерки. Понекогаш е потребно целсно да исчезнете за мажот да сфати дека повеќе не сакате да го видите и слушнете. Пријатните мажи заслужуваат некаков заклучок односно причина за тоа зошто не гледате заедничка иднина за вас двајцата. Но, понекогаш можете да си дозволите и ваков начин на одбивање.
Мажот би требало правилно да го разбере вашиот молк, а ако не го сфати како што треба туку и понатаму е упорен, со тоа само докажува дека правилно сте постапиле кога сте го одбиле.
За крај, колку подлабоко навлегувате во врската, толку одбивањето е потешко. Ако сте биле на состанок со пријатен маж, но меѓу вас за жал не сте почувствувале искрички, секако дека сте му должни некакво објаснување зошто не сакате врска. Но, ако неговото друштво е непријатно и непристојно, тогаш имате две можности: гневно да му ги соопштите искрените чувства или да исчезнете.
Повеќе на intimatemedicine.com
