Муслиманското братство, моќна египетска исламистичка (забранета) група, во рок од неколку месеци ќе ја подигне својата сопствена верзија на Фејсбук, соопштија нејзините членови.
IkhwanBook на кој веќе може да се регистрирате, „позајмува“ бројни концепти од Фејсбук, меѓутоа според замислата на заговорниците на проектот, ќе биде комплементарна алтернатива на социјалната мрежа која има повеќе од половина милијарда членови.
Причините за ова лежат во критериумите за примерни содржини: Фејсбук не се согласува со страниците на кои се слават личности како Абдел Азиз ал Антиси, еден од основачите на Хамас, па ги брише таквите страници. Братството од друга страна, си има свое видување на работите, па одлучи засебно да ја креира социјалната мрежа на која ќе споделува слики и видеа, ќе помага во создавањето онлајн пријателства и ќе си глорифицира кого сака.
IkhwanBook ќе стане дел од веќе постоечките веб страници поврзани со братството (Ikhwan на арапски значи братство), како што се IkhwanWiki, IkhwanWeb, IkhwanGoogle, IkhwanTube, страници објавени и на англиски јазик, кои се фокусирани на содржините кои се однесуваат на организацијата.
Муслиманското братство во Египет е официјално забранета организација и официјалното членство во братството се казнува со затвор. Во Сирија казната е мааалку построга - смрт.
Б.И. | Кајгана
