Paramount Pictures најави дека Том Круз повторно ќе изведува невозможни акробации и шпиунски трансформации во најновото четврто продолжение на серијалот Mission: Impossible кое во кино салите би требало да се појави околу средината на 2011.
Актерот Том Круз и режисерот на Mission: Impossible III Џеј Џеј Ејбрамс одамна се согласија дека ќе го продуцираат четвртиот филм од серијалот, но не беше познато дали Круз ќе се појави повторно како Итан Хант во главната улога.
Овој пат Ејбрамс ќе биде само продуцент и се' уште бара режисер кој ќе го режира новото продолжение, известува Аccess Hollywood. Џош Еплбаум и Андре Немец го пишуваат сценариото базирано на идеите на Круз и Ејбрамс.
Филмот повторно ги обединува Круз и Paramout студиото кое со актерот го прекина долгогодишниот договор во 2006.
Б.И. | Кајгана
